KIS KA KHUDA

KAL EK NETA NE KAHA
YEH TERA KHUDA, WOH MERA KHUDA
TU MUJH SE JUDA, MAIN TUJH SE JUDA

HUM NE TAU SUNA THA
SAB KA MAALIK EK HAI
JO USS KI RAAH PE CHALE
WAHI BANDA NEK HAI

DHARM KI SAB RAAHEIN
INSAANON NE KHUD HI BANAYEEN
AUR SADIYON TAK ISS KI
ROTIYAN BHI PET BHAR KHAAYEEN

JO USS KE BACHCHON KE AANSOO PONCHE GA
JO BHOOKE-NANGON KE BAARE MEIN SOCHE GA
JO INSAAN KO IZZAT BAKHSHE GA
WAHI USS KA BANDA KEHLAYE GA
WARNA
JAB WOH ROOTHE GA
JAB USS KA GHUSSA PHOOTE GA

TAB
HUM SOCHTE REH JAYEN GE
KIS KA KHUDA HAI
JO
ITNA ZAALIM HAI
KIS KA KHUDA HAI
JO
ITNA NIRMAM HAI
KIS KA KHUDA HAI YEH

KIS KA KHUDA