SOZ-E-GHAM DE KE MUJHE, USS NE YEH IRSHAAD KIYA
JAA TUJHE KASHMAKASH-E-DAHAR SE AAZAD KIYA
WOH KAREIN BHI TAU KIN ALFAAZ MEIN TERA SHIKWA
JIN KO TERI NIGAH-E-LUTF NE BARBAAD KIYA
DIL KI CHOTON NE KABHI CHHAIN SE REHNE NA DIYA
JAB CHALI SARD HAWA, MAIN NE TUJHE YAAD KIYA
ITNA MAANOOS HUN FITRAT SE, KALI JAB CHATKI
JHUK KE MAIN NE KAHA, MUJH SE KUCH IRSHAAD KIYA
MUJH KO TAU HOSH NAHIN, TUM KO KHABAR HO SHAYED
LOG KEHTE HAIN KE TUM NE MUJHE BARBAAD KIYA
No comments:
Post a Comment