Khumar Baarabankavi Ghazal 1

yeh misr'aa nahin hai vazeefa mera hai
Khuda hai mohabbat, mohabbat khuda hai

Kahu'n mai'n yeh kaise ke woh bewafa hai
Mujhe uss ki majbooriyo'n ka pata hai

Hawa ko bohot sarkashi ka nasha hai
Magar yeh na bhoole diya bhi diya hai

Nazar mein hai jalte makaano'n ka manzar
Chamakte hai'n jugnu tau dil kaa'npta hai

Guzarta hai har shakhs chehra chupaye
Koi raah mein aaina rakh gaya hai

Kaha'n tu khumar aur kaha'n jurm-e-tauba
Tujhe paarsao'n ne behka diya hai