Yeh Kya Ho Raha Hai by Jameel Gulrays

Nafrat ka zehar ghul chuka hai
Bat chuke hai'n bewaqoof bhi aqalmand bhi

Andhera gehra hi hota jaa raha hai
Raushni ke hai'n saare raaste bund bhi

Tum Hindu ho, main Musalmaan hu'n
Tum zaalim ho main mazloom hu'n

Yahi fikar bikhar rahi hai chaar soo
Warna tum dayaluu ho main bhi masoom hu'n

Drained kis qaum mein nahi'n hote
Mazhab insaaniyat ka sabaq sikhata hai

Lekin aadmi bad-zaat hai
Dharam ka paath har baar bhool jaata hai