Meri chup ko gila samjhe dua ko woh fugha'n samjhe
Na uzr-e-khamshi samjhe na andaz-e-bya'n samjhe
Kisi se kya shikayet apni khush-fehmi ka maatam hai
Wahi na-meharba'n nikla jise hum meharba'n samjhe
Mere sijdo'n pe apni azmat qurban kar daale
Mere sijdo'n ki azmat ko jo tera aasta'n samjhe
Hamari khush-khayali hi vabaal-e-jaa'n hui Sahir
Wahi saabit hua rehzan jise hum meharba'n samjhe
No comments:
Post a Comment