Bandishe'n gawaraa thi'n kuch na kuch tau peene par
Rok ab lagi hai kyu'n maikasho'n ke jeene par?
Aasma'n se shikwo'n ka haq tau har kisi ko hai
Kis ne zakhm dekhe hai'n aasma'n ke seene par
Khwahisho'n ki mat poocho, tez hai'n kataaro'n se
Anginat kharaashe'n hai'n dil ke iss nageene par
Ishq hi ko laazim hai dekhe rang-dhang apne
Kyu'n ho koi moetriz husn ke qareene par
Kya kisi ki baato'n mein aa gaye ho tum Gautam?
Baam par thay jaa rahe, ruk gaye ho zeene par !
No comments:
Post a Comment