waqt ke saath... parveen shakir

waqt ke saath anaasar bhi rahe saazish mein
jal gaye ped kabhi dhoop kabhi baarish mein

woh tau ek saada-o-kam shauq ka taalib nikla
hum ne na haq hi ga'nwaya aaraiish mein

zindagi ki koi mahroomi nahin yaad aaii
jab talak hum thay tere qurb ki aasaaiish mein

ek duniya ka qaseeda tha agarche mere naam
lutf aata tha kisi shakhs ki fahmaiish mein

uss ki aankhe'n bhi meri tarah se girwi kahi'n aur
khwab ka qarz badha jaata hai ek khwahish mein