choti- choti baatein

MUSEEBAT

HAMESHA YAAD RAKHO KE JO MUSEEBAT KAL AANE WALI HAI WOH MUSEEBAT HAI HI NAHIN. KYUNKI ABHI ITNI LAMBI RAAT BAAQI HAI.

DOSTO! MARD ZINDAGI BHAR MAUT SE KHELTE HAIN

MARD GIRTI HUYEE BIJLIYON KO LALKAAR KAR THAAM LETE HAIN

CHOTI-CHOTI KAHANIYAN

BEZAARI

AGAR BEZAARI KI WAJAH SOCHI JAYE TAU KUCHH PATA NAHIN CHALTA. AMEERON AUR GHAREEB KA COMPARISON KIYA JAYE TAB KUCHH KHAAS SAMAJH NAHIN AATA.

AKSAR AMEER HI ZYADA BEZAAR MILTE HAIN. GHAREEBON KO PEHLE TAU BEZAAR HONE KI FURSAT HI NAHIN MILTI AUR JO BEZAAR HOTE HAIN WOH YEH SOCHTE REHTE HAIN KE HUM TAU DUNIYA MEIN ZABARDASTI BHEJE GAYE HAIN. ZINDAGI KE MAZE TAU AMEER UTHA RAHE HAIN. UDHAR AMEER HAIN KE BOHOT SI DAWAEYEN KHA RAHE HAIN. AGAR BEEMAR HAIN TAB BHI BEZAAR HAIN, BHALE-CHANGE HAIN TAB BHI BEZAAR HAIN.

KUNWARE BEZAAR HAIN KE SHAADI KAR LETE TAU ACHCHE REHTE AUR SHAADI-SHUDA ALAG BEZAAR HAIN KE KYUN KAR BAITHE.

CHOTI-CHOTI KAHANIYAN

ANDHERA

EK ANDHE BACHCHE NE APNI MAA SE POOCHA " MAA, LAL RANG KAISA HOTA HAI ?"
MAA NE KAHA " TUNHARI BEHAN KE FROCK JAISA "
BACHCHE NE APNI BEHAN KE FROCK KO CHUA LEKIN USSE ANDHERE KE SIWA KUCH NAZAR NAHIN AAYA.

choti-choti kahaniyan

BHOOT

DO LOG TRAIN MEIN SAATH-SAATH SAFAR KAR RAHE THE
EK NE DOOSRE SE POOCHA " KYA AAP KO BHOOTON PAR YAQEEN HAI ?'
DOOSRE NE KAHA " NAHI '
AUR PEHLA WALA AADMI GHAYEB HO GAYA.

GRAMMAR OF URDU GHAZAL..PART II

AAIYE, AB SAMAJH LEIN KE QAAFIYA KYA HOTA HAI.
QAAFIYA UNN SHABDON KO KEHTE HAIN JO HAR SHERR MEIN RHYME HOTE HAIN
JAISE;

YEH NA THI HAMARI QISMAT KE VISSAL-E-YAAR HOTA
AGAR AUR JEETE REHTE YAHI INTEZAAR HOTA

IS SHERR MEIN ' YAAR ' AUR ' INTEZAAR ' QAFIYAA HAIN.

QAAFIYE KE HI SAATH HOTI HAI RADEEF AUR INN DONO KO MILA KAR HI BANTI HAI SHERR KI ZAMEEN.

GHAZAL MEIN HAR SHERR KA DOOSRA MISRA EK JISE HI SHABD YA PHIR SHABDON KE SANGRAH PAR HI SAMAPT HOTA HAI JO RADEEF KEHLATA HAI.

' YAARO MUJHE MAAF RAKHO MAIN NASHE MEIN HUN
   AB DO TAU JAAM KHAALI HI DO MAIN NASHE MEIN HUN '

ISS GHAZAL MEIN RADEEF HAI ' MAIN NASHE MEIN HUN '

....TO BE CONTINUED

MUJHE ABHI MAAF KAR DO NA!

MERE MARNE KE BAAD BAHEIN GE TUMHARE AANSOO
LEKIN MAIN DEKH NAHIN PAOON GA
MERE LIYE EK AANSOO ABHI BAHA DO NA!

MERE MARNE KE BAAD QABAR PAR PHOOL LIYE AAO GE
LEKIN WOH MERE KISI KAAM KE NAHIN HON GE
KUCH PHOOL ABHI BHIJWA DO NA!

MERE MARNE KE BAAD KARO GE MERI TAAREEF
LEKIN MERE KAANON TAK PAHUNCHE GI NAHIN
MERI THODI TAAREEF ABHI KAR DO NA!

MERE MARNE KE BAAD TUM MAAF KAR DO GE MUJHE
LEKIN MAIN JAAN NAHIN PAOON GA
MUJHE ABHI MAAF KAR DO NA!

my favourite ghazal

my favourite ghazal

     by iqbal azim

mujhe apne zabt pe naaz tha, sar-e-bazm raat yeh kya hua

meri aankh kaise chalak gayee, mujhe ranj hai bura hua

mujhe aap kyun na samajh sake, kabhi apne dil se bhi poochiye

meri daastan-e-hayaat ka tau waraq waraq hhai khula hua

jo nazar bacha ke guzar gaye, mere saamne se abhi abhi 

yeh mere hi shahar ke log they, mere ghar se hai ghar mila hua