Thursday, March 28, 2013

Mirza Ghalib...Kamyaab Kalaam 4

aamad-e-khat se hua hai sard jo bazaar-e-dost
dood-eshama-e-kushta tha, shayed khat-e-rukhsar-e-dost

aye dil-e-na-aaqbat-e-andesh zabt-e-shauq kar
kaun laa sakta hai taab-e-jalwa-e-deedar-e-dost

khaana vraan saazi-e-hairat tamasha kijiye
soorat-e-naqsh-e-qadam hun afta-e-aftaar-e-dost


Mirza Ghalib ...Kamyaab Kalam 3

piye nazr-e-karam tohfa hai sharm-e-na rasai ka
bakhoon ghalteedadah-e-sad rang daava paarsai ka
na ho husn-e-tamasha dost ruswa be-vafai ka
ba mohar-e-sad nazar-e-saabit hai daava paarsai ka

irza Ghalib....Kamyaab kalam

sarapa rahan-e-ishq-o-nagurez-e-ulfat-e-hasti
ibaadat barq ki karta hun aur afsos haasil ka
baqadr-e-zarf hai saaqi khumar-e-tishna kaami bhi
jo tu darya-e-mai haitau main khamyaaza hun saahil ka

Mirza Ghalib...Kamyaab Kalaam

na ho ga yak byabaan maandagi se zauq kam mera
hubaab-e-maujah-e-raftaar hai naqsh-e-qadam mera
mohabbat thi chaman se lekin ab yeh be-dimaaghi hai
ke mauj-e-boo-e-gul se naak mein aata hai dum mera

Tuesday, March 26, 2013

urdu poetry....parvez shahidi

hawa-e-tund mein yeh reshmi kheme na thehren ge
kahan tak aazmao ge vafadaari tanaabon ki

yeh hai shahar-e-havas, pahchan-na mushkil hai logon ka
yahan chehre bhi bikte hain, dukanon mein naqaabon ki

Monday, March 25, 2013

urdu poetry.......adeem haashmi

mafaahamat na sikha, jabr-e-narawa mujhe
main sar-ba-kaf hun, lada de kisi bala se mujhe

main sar-ba-sijda hun, aye samar! mujh ko qatl bhi kar
rihayee de bhi ab, iss ahd-e-karbala se mujhe

vasiyat 3

meri rooh mein ghuli huyee ek amar tanhai hai. tadbeer aur taqder dono ki be-basi, zindagi ke safar ka yeh ghair yaqeeni pan...aur manzil ka jeeb sa khauf...manzil jo aankhon se ojhal hai....na-maloom.

vasiyat 2

jab main marr jaaoon tau mujhe jahan chaho dafan kar dena........kisi hare bhare maidaan mein jahan door door tak hari hari ghaas ki chaadar bichi ho, jahan phool ghaas se sar bahar nikaal kar muskura rahe hon ya kisi aise veerane mein dafan kar dena jahan dhool udti ho, jaha khizaan aur bahaar mein koi farq na ho. jahan tanhai ho, vahshat ho. yaa phir phir kisi pahadi ki choti par pedon ke jhund mein dafan kar dena jahan barf-baari meri qabar par safed chaadar chadaati rahe. jab sooraj chamke tau kaliyan khil kar phool ban jaayen, bhanwre gaane lagen, hawayen khushboo bikherti huyee guzar jaayen. koi tez jhonka aaye tau meri qabar par phoolon ki baarish ho jaaye...dosto mujhe apne dilon mein dafan kar lena.

vasiyat

mujhe apni umar ka ehsaas hai, main zindagi ke aakhri daur ki taraf badh raha hun. iss waqt mere paas kaafi daulat kaafi jaayedaad honi chahiye thi. lekin nahin hai, iss ke bavajood jab main duniya ko alvida kahun ga tab behad qeemti viraasat chod jaoon ga. suniye, yeh hai meri vasiyat. main indradhanush ke ran-birange phool, naachti huyee titliyan, ishaare karte huye taare, kisi aur duniya ki jaadoo bhari kahaniyan, yeh sab bachchon ke liye chod jaaoon ga aur unke liye bhi jo umar ke saath kabhi bade nahin huye abhi bhi bachche hi hain. saare dilfareb madhosh kar dene waale lamhe, mohabbat karne waalon ke liye chod jaaoon ga. woh lamhe jo bohot kam aate hain lekin jab aate hain tab zindagi ki dhadkan sunai deti hai. aur haseenon ko sab jagmagaate rang, shokh aur sharmeeli khushbooyen aur mohabbat bhari nigaahen de jaaoon ga. maayus aur udaas logon ke liye subah ka woh nazara chod jaaoon ga jab suraj ke saath hi duniya naye sire se janam leti hai. aur duniyadaron ke liye jin ke dil ab patthar ke ho chuke hain sangeet ki woh raagniyan chod jaaoon ga jinhen sun kar woh chand lamhon ke liye iss shor machati huyee duniya ko bhool jaayen ge.............main iss pyari si duniya ko chod jaaoon ga jis se main ne hamesha pyar kiya hai 

tum

tum ne mujhe jitni khushiyan di hain utna hi sataya bhi hai. jahan zindagi ki sab se haseen cheezon se tumhari yaadein judi hain wahin zindagi ke sab se bure lamhon par bhi tumhari hi chaap hai. shayed tumhari fitrat hi kuch aisi thi, shayed tum par alag alag mood taari hua karte thay.jaise jaise tumhare mood badlte tum bhi badal jaatin, aise bhi pal aate thay jab tum toot kar mohabbat kiya karti thin aur aise bhi lamhe aaye hain jab poori tarah ajnabi ho jaaya karti thin, tum ne mohabbat bhi khoob ki aur nafrat bhi khoob  KYUNKI TUMHARA NAAM ZINDAGI HAI..............

Thursday, March 21, 2013

kaun sunta hai

main jo sochta hun woh kehta hun aur jo kehta hun wahi kehta hun. main ne jhoot bolna lagbhag 12 saal ki umar mein hi chod diya tha kyunki jab bhi jhoot bola karta tha, pakda jaata tha aur ammi khoob pitai kiya karti thin. aisi pitai ke jo allah dushman ko nhi na naseeb karaye.
'
12 saal ki umar se hi main ne sach aur sirf sach bolna shuru kar diya tha aur yeh silsila aaj tak jaari hai.maze ki baat yeh hai ke main jab bhi sach bolta hun kisi ko yaqeen hi nahin hota hai kyunki aas paas ke saare log sach bolne se katrate hain aur yeh maan kar hi chalte hain ke sach bolta kaun hai.

SACH BATAIYE, JAB MAIN NE KAHA KE MAIN JO SOCHTA HUN WOH KEHTA HUN AUR JO KEHTA HUN WAHII SOCHTA HUN TAB AAP NE BHI YAHI SOCHA THA NA KE JHOOT BOL RAHA HAI KAMEENA???

SACH KAHIYE GA........

urdu poetry...daagh

hasb-e-khwahish woh kahan ranj-o-alam dete hain
maangne waale ko aazaar bhi kam dete hain

mujh se woh kehte hain parwane ko dekha tu ne
dekh yun jalte hain iss tarah dum dete hain

taana-e-ulfat-e-dushman pe kaha zaalim ne
ek se lete hain dil ek ko hum dete hain

Wednesday, March 20, 2013

urdu poetry.. daagh

main kahan aur bazm-e-khwab kahan
layee aye hasti-e-kharab kahan

unn se keh di hai arzoo dil ki
ab meri baat ka jawab kahan

baat karni jise na aati ho
baat sun-ne ki uss ko taab kahan


urdu poetry... josh

soz-e-gham de ke mujhe, uss ne yeh irshaad kiya
jaa tujhe kashmakash-e-dahar se azaad kiya

woh karen bhi tau kin alfaaz mein tera shikwa
jin ko teri nigah-e-lutf ne barbaad kiya

dil ki choton ne kabhi chain se rehne na diya
jab chali sard hawa, main ne tujhe yaad kiya

itna maanoos hun fitrat se, kali jab chatki
jhuk ke main ne yeh kaha, mujh se kuch irshaad kiya

mujh ko tau hosh nahin, tum ko khabar ho shayed
log kehte hain ke tum ne mujhe barbaad kiya

urdu poetry...mashafi

bheege se tera rang-e-hinaa aur bhi chamka
paani mein nigareen kaf-e-paa aur bhi chamka

jun jun ke padien munh pe tere mainh ki boonden
jun laala-e-tar husn tera aur bhi chamka

Wednesday, March 13, 2013

GHAZAL,SAHIR

AQAAID WAHAM HAIN, MAZHAB KHYAL-E-KHAAM HAI, SAQI
AZAL SE ZEHN-E-INSAAN BASTA-E-OHAAM HAI, SAQI

HAQEEQAT AASHNAI ASL MEIN GUM KARDA RAAHI HAI
UROOS-E-AAGAHI PARWARDA-E-ABHAAM HAI, SAQI

WAHAN BHEJA GAYA HUN CHAAK KARNE PARDA-E-SHAB KO
JAHAN HAR SUBAH KE DAAMAN PE AKS-E-SHAAM HAI, SAQI


GHAZAL, AMIR MEENAI,JHONKA IDHAR NA AAYE NASEEM-E-BAHAR KA NAAZUK BOHOT HAI PHOOL CHIRAGH-E-MAZAAR KA

PHIR BAITHE BAITHE VAADA-E-VASL USS NE KAR LIYA
PHIR UTH KHADA HUA WAHI ROG INTEZAAR KA

HAR GUL SE LAALA ZAAR MAIN YEH POOCHTA HUN
" TU HI PATA BATA DE DIL-E-DAAGHDAR KA  "


GHAZAL....... RAJINDER BAANI

JAANE WOH KAUN THA AUR KIS KO SADA DETA THA
USS SE BICHDA HAI KOI, ITNA PATA DETA THA

USS KI AWAAZ BEDAAGH SA AAINA THI
TALKH JUMLA BHI WOH KEHTA TAU MAZA DETA THA

DIN BHAR EK EK SE WOH LADTA JHAGADTA BHI BOHOT
RAAT KE PICHLE PEHAR SAB KO DUA DETA THA

WOH KISI KA BHI KOI NASHA NA BUJHNE DETA
DEKH LETA KAHIN IMKAAN TAU HAWA DETA THA


Tuesday, March 12, 2013

GHAZAL........ JIGAR MORADABADI

DUNIYA KE SITAM YAAD NA APNI HI VAFA YAAD
AB MUJH KO NAHIN KUCH BHI MOHABBAT KE SIWA YAAD

CHHEDA THA JISE PEHLE-PEHAL TERI NAZAR NE
AB TAK HAI WOH NAGHMA-E-BE-SAAZ-O-SADA YAAD

JAB KOI HASEEN HOTA HAI SA-GARM-E-NAWAZISH
USS WAQT WOH KUCH AUR BHI AATE HAIN SIWA YAAD

KYA JAANIYE KYA HO GAYA ARBAAB-E-JUNOON KO
MARNE KI ADA YAAD NA JEENE KI ADA YAAD

KYA LUTF KE MAIN APNA PATA AAP BATAOON
KIJIYE KOI BHOOLI HUYEE KHAAS APNI ADA YAAD

URDU POETRY.....BUDHAPA

GHAZAL USS NE CHEDI MUJHE SAAZ DENA
ZARA UMR-E-RAFTA KO AWAAZ DENA........ SAFI LAKHNAVI

AHD-E-JAWANI RO-RO KAATA PEERI MEIN LIN AANKHEN MOOND
YAANI RAAT BOHOT THAY JAAGE , SUBAH HUYEE AARAM KIYA........ MEER

ZAUF-PEERI JO BADHA, MAUT KE PAIGHAM CHALE
AA GAYA WAQT-E-SAFAR, SUBAH CHALE SHAAM CHALE........... RIYAZ


GHAZAL...........MOMIN 2

SHAB-E-GHAM-E-FURQAT HAMEN KYA KYA MAZE DIKHLAYE THA
DUM RUKE THA SEENE MEIN KAMBAKHT JEE GHABRAYE THA

BAL BE AYYARI ADU KE AAGE WOH PAIMAN SHIKAN
VAADA-E-VASL PHIR KARTA THA AUR SHARMAYE THA

SUN KE MERI MARG BOLE " MAR GAYA ACHCHA HUA "
KYA BURA LAGTA THA JIS DUM SAAMNE AAYE THA

HO GAYEE DO ROZ KI ULFAT MEIN KYA HAALAT ABHI
MOMIN-E-VAHSHI KO DEKHA ISS TARAF SE JAAYE THA

GHAZAL.....HASRAT MOHANI

MASTI KE PHIR ZAMANE AA GAYE
AABAD HUYE SHARAB-KHAANE

SAB HANS PADE KHIKHILA KE GHUNCHE
CHEDAA JO LATEEFA SABA NE

RINDON NE PACHAD KE PILA DI
VAAIZ KE NA CHAL SAKE BAHANE



GHAZAL........FIRAQ

HUSN BHI THA UDAAS UDAAS SHAAM BHI THI DHUAN  DHUAN
YAAD SI AA KE REH GAYEEN DIL KO KAI KAHAANIYAN

SARHAD-E-GHAIB TAK TUJHE SAAF MILEN GE NAQSH-E-PAA
POOCH NA YEH PHIRA HUN MAIN TERE LIYE KAHAN KAHAN

JIS KO BHI DEKHIYE WAHI BAZM MEIN HAI GHAZAL-SARA
CHIDD GAYEE DAASTAN-E-DIL BAHADEES-E-DEEGRAAN

MUJH KO FIRAQ YAAD HAI PAIKAR-E-RANG-O-BOO-E-DOST
PAAON SE TAA JABEEN-E-NAAZ, MEHR FASHAAN-O-MAH CHUKAAN

GHAZAL........MOMIN

DARR TAU MUJHE KIS KA HAI KE MAIN KUCH NAHIN KEHTA
PAR HAAL YEH AFSHAA HAI KE MAIN KUCH NAHIN KEHTA

NAASEH YEH GILAA HAI KE MAIN KUCH NAHIN KEHTA
TU KAB MERI SUNTA HAI KE MAIN KUCH NAHIN KEHTA

KUCH GHAIRON SE HONTON MEIN KAHE HAI PE JO POOCHO
TAU WAHIN MUKARTA HAI KE MAIN KUCH NAHIN KEHTA

NAASEH KO JO CHAAHUN TAU ABHI THEEK BANA DUN
PAR KHAUF KHUDA KA HAI KE MAIN KUCH NAHIN KEHTA

HAR WAQT HAI DUSHNAAM HAR EK BAAT PE TAANA
PHIR ISS PE BHI KEHTA HAI KE MAIN KUCH NAHIN KEHTA


GHAZAL........GHALIB 2

MUDDAT HUYEE HAI YAAR KO MEHMAAN KIYE HUYE
JOSH-E-QDAAH SE BAZM CHIRAAGHAN KIYE HUYE

PHIR WAZA-E-AHTIYAAT SE RUKNE LAGA HAI DUM
BARSON HUYE HAIN CHAAK GAREBAAN KIYE HUYE

MAANGE HAI PHIR KISI KO LAB-E-BAAM PAR HAWAS
ZULF-E-SIYAAH RUKH PE PARESHAN KIYE HUYE

JEE DHOONDHTA HAI PHIR WAHI FURSAT KE RAAT-DIN
BAITHE RAHEN TASAWWUR-E-JAANAN KIYE HUYE

GHALIB HAMEN NA CHEDD KE PHIR JOSH-E-ASHK SE
BAITHE HAIN HUM TAHIYYA-E-TOOFAN KIYE HUYE

GHAZAL....GHALIB

DAAYAM PADA HUA TERE DAR PAR NAHIN HUN MAIN
KHAAK AISI ZINDAGI PE KE PATTHAR NAHIN HUN MAIN

KYUN GARDISH-E-MADAAM SE GHABRA NA JAYE DIL
INSAAN HUN PYALAA-O-SAAGHAR NAHIN HUN MAIN

HADD CHAHIYE SAZA MEIN AQOOBAT KE WAASTE
AAKHIR GUNAHGAAR HUN KAAFIR NAHIN HUN MAIN

GHALIB WAZIFA KHWAAR HO, DO SHAH KO DUA
WOH DIN GAYE KE KEHTE THAY " NAUKAR NAHIN HUN MAIN "

GHAZAL.....MEER

GHAM RAHA JAB TAK DUM MEIN DUM RAHA
DIL KE JAANE KA NIHAAYET GHAM RAHA

ZULFEN KHOLE TU TAU TUK AAYA NAZAR
UMAR BHAR YAAN KAAM-E-DIL BARHAM RAHA

MERE RONE KI HAQEEAT JIS MEIN THI
EK MUDDAT TAK WOH KAAGHAZ NAM RAHA



Monday, March 11, 2013

urdu poetry........nazeer

juda kisi se gharz kisi ka habeeb na ho
yeh  daagh woh  hai ke dushman ko bhi naseeb na ho

Sunday, March 10, 2013

URDU POETRY.......TOPIC; QISMAT ....FATE

MUJHE ROKE GA TU AYE NAKHUDA KYA GHARQ HONE SE
KE JIN KO DOOBNA HAI DOOB JAATE HAIN SAFEENON MEIN....IQBAL

EK MEHROOM CHALE MEER! HUM HI DUNIYA SE
WARNA AALAM KO ZAMAANE NE DIYA KYA KYA KUCH....MEER TAQI MEER

SIYAHI JAISE GIR JAYE DUM-E-TAHREER KAAGHAZ PAR
MERI QISMAT  MEIN YUN TAHREER HAI SHAB-HAYE HIJRAN KI....GHALIB

AISI QISMAT KAHAN KE JAAM AATA
BOO-E-MAI BHI IDHAR NAHIN AATI....MUZTIR MUZAFFARPURI

MERI QISMAT MEIN KHUDA JAANE KAHAN SE AA GAYE
WOH JO KHUM HAIN AAP KI ZULF-E-PAREESHAN KE LIYE....AKHTAR


Thursday, March 7, 2013

THE NEW ROLE OF MANAGERS

NO LONGER COULD MANAGERS JUST TELL EMPLOYEES WHAT TO DO AND WHEN. LIFE HAS BECOME TOO COMPLICATED; MANGERS ARE NOT EXPECTED TO KEEP UP WITH SO MANY CHANGES SO QUICKLY. THEIR ROLE IS SHIFTING FROM TRADITIONAL " COMMAND AND CONTROL " APPROACH TO A NEW MODEL IN WHICH THEY CREATE ENVIRONMENTS IN WHICH THEIR ASSISTANTS COULD TAKE A LEAD IN SETTING TARGETS, DETERMINING TASKS TO BE DONE, AND MEASURING RESULTS. IN THIS NEW WORLD MANAGERS SPEND MORE TIME FACILITATING BY KNOCKING DOWN BARRIERS THAT GET IN THE WAY OF EMPLOYEES DOING WHAT THEY NEED TO AND BY TRAINING AND COACHING, AND THEY SPEND LESS TIME INSPECTING AND ORDERING.

Wednesday, March 6, 2013

urdu poetry....beauty of the beloved

but to see a highly ingenious and original use of the sun imagery, you must read this couplet of meer taqi meer;

doobe uchle hai aaftaab hanoz
kahin dekha tha tujh ko dariya par


still the sun doth leap and dive
he saw you once on the riverside

urdu poetry....beauty of the beloved

then a poet of late 20th century, mahir-ul-qadiri, again resorted to solar imagery;

naqaab-e-rukh uthaya jaa raha hai
woh nikli dhoop, saaya jaa raha hai

the beauteous face uplifts her veil
lo, the sun emerges, shadows dissipate

urdu poetry.....beauty of the beloved

then came ghalib 1797-1869, almost 150 years after wali, turning from the soft splendour of the rising sun to the dazzling brilliance of the midday;

jab woh jamaal-e-dilfroz, soorat-e-mehr-e-neem roz
khud hi ho nazaara-e-soz, parde mein munh chupaye kyun

why should that winsome beauty, like the midday sun ablaze
hide her face behind the veil, when none at her can gaze

urdu poetry....beauty of the beloved

wali 1667-1707, one of the early architects of urdu poetry, paid his tribute to the beauty of his beloved; kuch yun

dekhna har subah tujh rukhsar ka
hai mutaala matla-e-anwaar ka

to see your face every morning
is to see the glorius flush of dawn